రుణ విముక్తి, ధనస్థిరత్వం కోసం రుణ విమోచన శక్తిగణపతి హోమం

జీవితంలో ఎదురయ్యే ఆటంకాలను అధిగమించి, చేపట్టిన ప్రతి ప్రయత్నం సఫలం అవ్వాలనే ఆకాంక్షకు గణపతి ఆరాధన విశిష్టమైనది. ముఖ్యంగా సంకటహర చతుర్థి రోజున విఘ్నరాజైన వినాయకుడిని గణపతి హోమం, సంకటహర గణపతి పూజలతో అర్చించడం విశేష ఫలప్రదాయకం. ఈ ద్వివిధ ఆరాధనలోని మంత్రశక్తి, సంకల్పబలం మనసుకు ధైర్యాన్ని, ఆలోచనలకు స్పష్టతను ప్రసాదిస్తాయని నమ్మకం. ఉద్యోగ, వ్యాపార రంగాల్లోని ఆటంకాలు తొలగడం, ఆర్థిక పరిస్థితులు మెరుగుపడటం, ఆరోగ్యపరమైన ఇబ్బందుల నుంచి ఉపశమనం లభించడం వంటి శుభఫలాల కోసం ఈ ఆరాధనల ద్వారా విఘ్నవినాయకుడిని ప్రార్థించవచ్చు. నవంబర్ 27 సంకటహర చతుర్థి రోజున వేదమందిర్ నిర్వహిస్తున్న ఈ పవిత్ర క్రతువులో గోత్రనామాలతో పూజకు సంకల్పించి, సకల సంకటాల నివారణతో పాటు ఆయురారోగ్యాలు, అభివృద్ధి, కార్యసిద్ధి కోసం స్వామివారి కృపను ప్రార్థించవచ్చు.

సంకటహర చతుర్థి తిథి ప్రత్యేకం
ప్రతి కృష్ణపక్ష చతుర్థిని సంకటహర చతుర్థిగా ఆచరిస్తారు. 'సంకట' అంటే కష్టం. 'హర' అంటే తొలగించేవాడు. కష్టాలను తొలగించే గణపతిని ఈ రోజున విశేషంగా ఆరాధిస్తారు. భక్తుల కష్టాలను హరించే గణనాథుడికి ఈ తిథి అత్యంత ప్రీతికరమైనదిగా ప్రసిద్ధి. గణేశ పురాణంలోని ఉపాసనా ఖండం 59వ అధ్యాయంలో ఈ తిథి ఆరాధనా విశేషాలు వివరించబడ్డాయి. సంకటాలను తొలగించే స్వామిని ఈ పవిత్ర తిథినాడు మంత్రపూర్వకంగా ఆరాధించడం విశేష పుణ్యప్రదమనే విశ్వాసం ఉంది. అందుకే ఈ సందర్భంలో నిర్వహించే గణపతి హోమం, సంకటహర గణపతి పూజ మరింత విశిష్టతను సంతరించుకుంటాయి. ఉద్యోగం, వ్యాపారం, ఆర్థిక పరిస్థితులు, ఆరోగ్యం వంటి అంశాల్లో ఎదురయ్యే సంకటాలు తొలగి, జీవితంలో సానుకూలత, అభివృద్ధి, కార్యసిద్ధి కలగాలని ఈ విశేష పూజల ద్వారా విఘ్నేశ్వరుడిని ప్రార్థించవచ్చు. 

కార్యవిఘ్నాల నివారణకు గణపతి హోమం
విఘ్నాలను తొలగించే అధిదేవతగా గణపతికి సనాతన ధర్మంలో అగ్రపూజా స్థానం లభించింది. ఏ శుభకార్యమైనా ముందుగా వినాయకుడిని స్మరిస్తారు. చేపట్టిన కార్యం నిర్విఘ్నంగా సాగాలని కోరడమే ఈ ఆరాధన వెనుక ఉన్న అంతరార్థం. అందుకే వేదవ్యాసుడు సైతం మహాభారత రచనకు పూనుకున్నప్పుడు గణపతినే లేఖకుడిగా ప్రార్థించాడు. ఈ ఇతిహాస గాథ ఆయన బుద్ధి, జ్ఞానశక్తికి నిదర్శనంగా నిలిచాయి. అంతటి విజయాలు లభించాలనే ‘ఓం గం గణపతయే నమః’ వంటి గణపతి హోమద్రవ్యాలను అగ్నికి సమర్పిస్తూ గణపతి హోమం నిర్వహిస్తారు. ప్రతి ఆహుతి ఒక ప్రార్థనగా, ప్రతి మంత్రోచ్చారణ ఒక సంకల్పంగా ఈ క్రతువు కొనసాగుతుంది. ఈ విధానంలో అగ్నిదేవుని సాక్షిగా విఘ్నేశ్వరుడిని ఆవాహన చేసి అర్చించడం విశేషం. ఈ హోమం ద్వారా ఉద్యోగాభివృద్ధి, వ్యాపార పురోగతి, ఆర్థిక స్థిరత్వం, ఆరోగ్య సమస్యల నుంచి ఉపశమనం, నూతన ప్రయత్నాల్లో విజయం వంటి అభీష్టాల కోసం ప్రార్థించవచ్చు.

సంకటాలను హరించే ‘సంకటహర గణపతి పూజ’
గణపతి నామాల్లో 'సంకటహరుడు' అనే నామం ప్రత్యేకమైన భరోసాను కలిగిస్తుంది. జీవితంలో ఎదురయ్యే కష్టాలు, అనిశ్చితులు, ఆటంకాల నుంచి బయటపడేందుకు ఆయన అనుగ్రహాన్ని కోరుతూ సంకటహర గణపతి పూజను ఆచరిస్తారు. గణేశ పురాణంలోని ఉపాసనా ఖండంలోద దీనికి సంబంధించిన విశేషాలు కనిపిస్తాయి. ఈ వైదిక క్రతువులో షోడశోపచారాలతో స్వామివారిని పూజించి, అష్టోత్తర శతనామావళి, గణపతి మంత్రజపం, నైవేద్య సమర్పణతో గణపతిని సేవిస్తారు. గణనాథుని పాదాల చెంత దూర్వలను ఉంచి, మోదకాలను నివేదిస్తారు. ఇవి ఆచారాలు మాత్రమే కాదు.. భక్తి, వినయం, సంపూర్ణ శరణాగతికి ప్రతీకలు. ఈ పూజ ద్వారా వృత్తి జీవితంలోని అవరోధాలు తొలగి పురోగతి కలగాలని, ఆరోగ్య సమస్యల నుంచి ఉపశమనం లభించాలని, ఆర్థిక ఇబ్బందులు సమసి కుటుంబంలో ప్రశాంతత నెలకొనాలని ప్రార్థించవచ్చు.