కార్తీక సోమవారం.. మాస శివరాత్రి.. ఈ రెండు పర్వదినాలూ వేటికవే పరమశివుడి ఆరాధనకు అత్యంత విశిష్టమైనవి. అలాంటిది ఈ రెండూ ఒకే రోజున కలిసి రావడం శివారాధనకు అత్యంత పుణ్యప్రదమైన శుభఘడియగా చెబుతారు. ఇంతటి విశేష పర్వదినాన్ని మరింత పుణ్యప్రదంగా మలుస్తూ రామేశ్వర క్షేత్రంలోని వైదిక యాగశాలలో వేదమందిర్ పార్థివ శివలింగాలకు మహా రుద్రాభిషేకంతో పాటు అఘోర రుద్ర పాశుపత హోమాన్ని నిర్వహిస్తోంది. వేదమంత్రాల నడుమ జరిగే ఈ అభిషేకం, హోమం భక్తులకు విశిష్టమైన శివారాధనా భాగ్యాన్ని అందిస్తాయి. ఈ పవిత్ర పర్వదినాన మీ నామగోత్రాలతో సంకల్పం సమర్పించి, ఆయురారోగ్యాలు, దీర్ఘాయుష్షు, మనశ్శాంతి, ఆర్థిక స్థిరత్వం, కుటుంబ సౌఖ్యం, సర్వమంగళాలు కలగాలని పరమశివుడిని ప్రార్థించవచ్చు.
కార్తీక సోమవారం, మాస శివరాత్రి.. ‘శివభక్తికి శిఖరాయమానం’
కార్తీక మాసం అంటేనే శివనామస్మరణ, దీపారాధన. ఈ మాసంలో వచ్చే ప్రతి సోమవారం శివభక్తులకు ప్రత్యేకమైనదే. నెలరోజుల పాటు సాగిన ఆరాధనకు చివరి సోమవారం ఓ ఆధ్యాత్మిక పరిపూర్ణతను అందిస్తుంది. మరోవైపు ప్రతి నెలా వచ్చే మాస శివరాత్రి మంత్రజపాలతో మహాదేవుడిని ప్రసన్నం చేసుకునే విశిష్ట పర్వదినంగా భావిస్తారు. విడివిడిగానే ఎంతో ప్రాధాన్యమున్న ఈ పర్వదినాలు ఒకే రోజున రావడం మరింత విశేషం. ఈ పవిత్ర సమయాన చేసే శివపూజ ద్వారా మనసులోని కలతలు తొలగి ప్రశాంతత కలగాలని, చాలాకాలంగా ఎదురవుతున్న ఆటంకాలకు పరిష్కారం లభించాలని, ఆరోగ్యం, ఆయుష్షు, కుటుంబ శ్రేయస్సు వృద్ధి చెందాలని భక్తితో సంకల్పించవచ్చు.
శివానుగ్రహ రక్షాకవచం.. ‘అఘోర రుద్ర పాశుపతి హోమం’
పరమశివుడి పంచముఖ స్వరూపాల్లో అఘోరమూర్తి విశిష్టమైనది. భయాలను తొలగించి, భక్తులకు అభయాన్ని ప్రసాదించే రుద్రస్వరూపంగా అఘోరుడిని ఆరాధిస్తారు. పశుపతిగా సమస్త జీవరాశికి అధిపతియైన పరమేశ్వరుడి అనుగ్రహాన్ని కోరుతూ నిర్వహించే ఈ హోమంలో అఘోర రుద్ర మంత్రాలతో అగ్నికి ఆహుతులు సమర్పిస్తారు. లింగపురాణంలోని అఘోరారాధన అధ్యాయం శివుడి అఘోర స్వరూప పూజా విధానాన్ని వివరిస్తుంది. శివపురాణంలోని విద్యేశ్వర సంహితలోనూ పార్థివ లింగ నిర్మాణం, శివావాహనకు అఘోర, తత్పురుష మంత్రాల వినియోగం వివరించబడింది. ఈ పవిత్ర హోమంలో భక్తితో సంకల్పం సమర్పించి, భయాలు, ఆపదలు, ఆటంకాల నుంచి రక్షణతో పాటు ఆరోగ్యం, ఆయుష్షు, మనోధైర్యం, సర్వశ్రేయస్సు కలగాలని పశుపతినాథుడిని ప్రార్థించవచ్చు.
భూమిపై సాక్షాత్తూ శివస్వరూప ఆరాధన
మట్టితో చేతులారా రూపొందించే శివలింగాలను పార్థివ లింగాలు అంటారు. పంచభూతాల్లో ఒకటైన భూమి తత్త్వంతో శివస్వరూపాన్ని రూపొందించి, మంత్రోచ్ఛారణల మధ్య పరమేశ్వరుడిని ఆవాహన చేసి పూజించడం ఈ ఆరాధనలోని విశిష్టత. మట్టితో లింగాన్ని రూపొందించడం నుంచి అభిషేకం, పుష్పార్చన, బిల్వదళ సమర్పణ వరకు ప్రతి అడుగులోనూ భక్తుడి శ్రద్ధ, వినయం, శివభక్తి వ్యక్తమవుతాయి. ఇలా పార్థివ లింగాన్ని శివస్వరూపంగా భావించి ఆరాధించడం ద్వారా భక్తుడు తన మనసును పరమేశ్వరుడిపై లగ్నం చేస్తాడు. ఈ పూజలో ఆరోగ్యం, దీర్ఘాయుష్షు, మనశ్శాంతి, కుటుంబ సౌఖ్యం, ఆర్థిక స్థిరత్వం, భూమి లేదా ఆస్తికి సంబంధించిన కార్యాల సాఫల్యం కలగాలని సంకల్పించుకోవచ్చు.
అపమృత్యు భయాలు తొలగించే ‘రుద్రాభిషేకం’
పరమశివుడిని ప్రసన్నం చేసుకునే పవిత్ర ఆరాధనల్లో రుద్రాభిషేకానికి విశిష్ట స్థానం ఉంది. శ్రీరుద్రంలోని నమకం, చమకం మంత్రాలను పఠిస్తూ శివలింగానికి అభిషేకం చేస్తారు. నమకంలో రుద్రుడి రూపాలను స్తుతిస్తూ, చమకంలో జీవనానికి అవసరమైన ఆరోగ్యం, శక్తి, పోషణ, శ్రేయస్సు, సంపద, సంతృప్తి వంటి అనుగ్రహాలను ప్రార్థిస్తారు. ఈ మంత్రోచ్ఛారణల నడుమ పవిత్ర ద్రవ్యాలతో అభిషేకం చేస్తారు. బిల్వదళాలతో అర్చిస్తూ శివుడిని కొలుస్తారు. అంతటి పవిత్ర శ్రీరుద్ర మంత్రాల నడుమ పార్థివ శివలింగాలకు జరిగే ఈ మహా రుద్రాభిషేకంలో మీ నామగోత్రాలతో సంకల్పం సమర్పించుకోవడం ద్వారా మీకు, మీ కుటుంబ సభ్యులకు ఆరోగ్యం, ఆయుష్షు, మానసిక ప్రశాంతత, ఆర్థిక శ్రేయస్సు, కుటుంబ ఐకమత్యం, సర్వవిధ శుభాలు కలగాలని ప్రార్థించవచ్చు.