மகா தீப சிவ ருத்ர ஹோமம் (கார்த்திகை பௌர்ணமி, தீப சிறப்பு ஹோமம்)

பிறவிப் பிணிகள், தீராத நோய்கள், தலைக்கு மேல் நிற்கும் கடன் சுமைகள், கர்ம வினைகளின் பிடி மற்றும் அகத்தில் அகலாத அஞ்ஞான இருளால் உங்கள் வாழ்க்கை வெளிச்சமின்றித் தவிக்கிறதா?... உங்க அனைத்துக் கஷ்டங்களுக்கும், துன்பச் சுமைகளுக்கும் ஒரே தீர்வாக, உங்கள் வாழ்வை பிரகாசிக்கச் செய்ய உதவும் இந்த 'மகா தீப சிவ ருத்ர ஹோமம்'!

நினைத்தாலே முக்தி தரும் அக்னிஸ்தலமான திருவண்ணாமலையில் உள்ள வைதீக தனியார் யாகசாலையில் கார்த்திகை மாதம் 08-ஆம் நாள் நவம்பர் 24-ம் தேதி இப்புனித மகா யாகம் மிகச்சிறப்பாக நடைபெறுகிறது. தீபப் பெருவிழாவின் உச்சக்கட்ட நிகழ்வான கார்த்திகை பௌர்ணமி மற்றும் மகா தீபப் புண்ணிய தினம் ஒன்றிணையும் இந்த அபூர்வ நாளில் நிகழும் வழிபாட்டைக் காண்பதும் பங்கேற்பதும் கோடி பிறவிப் புண்ணியத்தைத் தரும். 

மகா தீப சிவ ருத்ர ஹோம மகிமை

மகா தீப சிவ ருத்ர ஹோமம் என்பது சிவபெருமானின் அக்னி ஜோதி சொரூபத்தையும், கருணா மூர்த்தியான அருணாசலேஸ்வர அம்சத்தையும் ஆவாஹனம் செய்து நடத்தப்படும் முதன்மை யாகமாகும்.

• ஹோம விசேஷம்: சக்திவாய்ந்த 'ஸ்ரீ ருத்ரம்', 'சமகம்', 'புருஷ சூக்தம்', 'சிவபுராணம்' மற்றும் 'பஞ்சாட்சர ஜபம்' முழங்க ஹோமம் இயற்றப்படுகிறது.

• அக்னி தீட்சை: வில்வ தளங்கள், நவதானியங்கள், விசேஷ மூலிகைகள், தூய பசு நெய், சமித்துக்கள் மற்றும் கனிகள் ஆகுதி சமர்ப்பிக்கப்படும்போது, பக்தர்களைச் சூழ்ந்துள்ள சகல தோஷங்களும், கர்ம வினைகளும் ஹோம அக்னியில் பஸ்மமாகின்றன.

புராணப் பின்னணியும் ஆன்மீக முக்கியத்துவமும்

சிவபுராணத்தின் படி, பிரம்மனுக்கும் விஷ்ணுவுக்கும் இடையே "யார் உயர்ந்தவர்?" என்ற அகந்தை மேலோங்கிய போது, அவர்களின் அஞ்ஞானத்தைப் போக்கச் சிவபெருமான் கார்த்திகை பௌர்ணமி திருநாளில் அடி முடி காண முடியாத அக்னிப் பிழம்பாக (லிங்கோத்பவ மூர்த்தியாக) தோன்றினார். விஷ்ணு வராகமாகவும், பிரம்மன் அன்னப் பறவையாகவும் தேடியும் இறைவனின் எல்லையைக் காண முடியாமல் தங்கள் கர்வத்தை இழந்தனர். அவர்களின் வேண்டுகோளுக்கிணங்க, ஈசன் அந்த பேரொளிப் பிழம்பை சாந்தமான மலையாக மாற்றி, ஜோதி வடிவில் காட்சி தந்தருளினார்.

கார்த்திகை பௌர்ணமி மகா தீப நன்னாளில், ஜோதி ஸ்தலமான திருவண்ணாமலையில் இயற்றப்படும் இந்த 'சிவ ருத்ர ஹோமம்', நமக்குள் இருக்கும் அறியாமை மற்றும் பிறவிப் பிணிகளைச் சுட்டெரித்து, இல்லங்களில் ஜோதி போன்ற மங்களகரமான ஒளியையும், குடும்பத்தில் சகல காரிய சித்திகளையும் தந்தருளும் என்பது அசைக்க முடியாத ஆன்மீக நம்பிக்கையாகும்.