ஸ்ரீ மகா வாராஹி ஹோமம்

எதிரிகளின் தொல்லை, கண் திருஷ்டி, பொறாமை, தீராத கடன், வழக்குகள், எடுத்த காரியங்களில் தொடர் தடை பூர்விக சொத்து பிரச்சனை, வீடு, மனை யோகம் தள்ளிப்போகிறது என மனம் அமைதியின்றித் தவிக்கிறீர்களா?... இவற்றிலிருந்து விடுபட்டு, வெற்றி, செல்வ வளம் பெற நடத்தப்படும் பரிகார யாகமே ஸ்ரீ மகா வாராஹி ஹோமம்.

பராசக்தியின் படைத்தளபதியாகவும், மகாவிஷ்ணுவின் வராஹ அம்சமாகவும் போற்றப்படும் ஸ்ரீ மகா வாராஹி தேவியை ஆவாஹனம் செய்து, வேத மந்திரங்கள் முழங்க இந்த ஹோமம் நடைபெறுகிறது. தன்னை நாடிவரும் பக்தர்களுக்குப் பாதுகாப்பு அரணாக இருந்து, பயத்தை நீக்கி, எதிர்ப்புகளை முறியடித்து, வாழ்வில் வெற்றியை அருள்பவள் வாராஹி அன்னை.

நிகழும் பராபவ ஆண்டு கார்த்திகை 5ஆம் நாள் நவம்பர் 20 வெள்ளிக்கிழமை வைதீக தனியார் யாகசாலையில் இந்த மகா யாகம் நடைபெறுகிறது. அன்றைய தினம் அம்பிகைக்குரிய வெள்ளிக்கிழமை. அதனுடன் மகாவிஷ்ணு யோக நித்திரையிலிருந்து எழும் பிரபோதினி ஏகாதசியும் (தேவ உத்தான ஏகாதசி) இணைந்து வருகிறது. இந்த அரிய நாளில் செய்யும் வழிபாடு பன்மடங்கு பலன் தரும் என்பது நம்பிக்கை.

ஸ்ரீ மகா வாராஹி ஹோம மகிமை 

ஸ்ரீ மகா வாராஹி ஹோமம் என்பது ஸ்ரீ லலிதா பரமேஸ்வரியின் முதன்மைச் சேனாதிபதியான வாராஹி அம்மனின் அருளையும், பாதுகாப்புச் சக்தியையும் வேண்டி நடத்தப்படும் விசேஷ யாகமாகும்.

• ஹோம விசேஷம்: சக்திவாய்ந்த 'வாராஹி மூல மந்திரங்கள்', 'வாராஹி காயத்ரி', 'வாராஹி அஷ்டோத்திரம்' மற்றும் 'வாராஹி கவசம்' முழங்க அன்னையின் அருள் அக்னியில் ஆவாஹனம் செய்யப்படுகிறது.

• அக்னி & திரவிய மகிமை: மாதுளம் பழங்கள், சிவப்பு மலர்கள், கிழங்கு வகைகள், விசேஷ மூலிகைகள், நெய் மற்றும் சமித்துக்கள் ஹோம அக்னியில் சமர்ப்பிக்கப்படும்போது, பக்தர்கள் மனதில் உள்ள எதிர்மறை எண்ணங்களும், தடைகளும் நீங்கி நேர்மறை ஆற்றல் பெருகும் என்பது ஐதீகம்.

புராணப் பின்னணியும் ஆன்மீக முக்கியத்துவமும்

'லலிதா மகாத்மியம்' கதையின் படி, அசுர சக்திகளை வதம் செய்து தேவர்களைக் காக்க அன்னை ஸ்ரீ லலிதா திரிபுரசுந்தரி அவதரித்தபோது, அவளது சேனைகளுக்கு முதன்மைச் சேனாதிபதியாக (தண்டநாதாவாக) ஸ்ரீ மகா வாராஹி தேவி பொறுப்பேற்றாள்.

ஏனக் (வராஹ) முகமும், கரங்களில் கலப்பையும் உலக்கையும் ஏந்திய வாராஹி தேவி, 'கிரிச்சக்ர ரதத்தில்' அமர்ந்து தேவர்களுக்கு வெற்றி வாகை சூடித் தந்ததால் 'காரிய சித்தி நாயகி' எனப் போற்றப்படுகிறாள்.

மகாவிஷ்ணுவின் அருளும் சக்தி அம்சமும் நிறைந்த பிரபோதினி ஏகாதசி நன்னாளில், ஸ்ரீ மகா வாராஹி தேவியை ஆவாஹனம் செய்து 'ஸ்ரீ மகா வாராஹி ஹோமம்' இயற்றுவது, அடியார்களின் வாழ்வில் ஏற்படும் தடைகளை அகற்றி நல்வழி காட்டும் உயர்ந்த வழிபாடாகும்.