கோடி புண்ணியம் தரும் ஸ்படிக லிங்க மகா வில்வாபிஷேகம்!

பார்வதி தேவி விளையாட்டாக ஈசனின் கண்களை மூடியபோது பிரபஞ்சமே காரிருளில் மூழ்கியது. உலகைக் காக்க எம்பெருமான் ஜோதிப் பிழம்பாகத் தோன்றி பேரொளி தந்த மாதமே புனித கார்த்திகை மாதம். அதேபோல், ஆலகால விஷத்தை அருந்திய ஈசனின் திருமேனியை சாந்தப்படுத்த குளிர்ச்சியான வில்வ தளங்களாலும் புனித தீர்த்தங்களாலும் தேவர்கள் அபிஷேகம் செய்து நலம் பெற்றனர்.

இந்த மகா புண்ணிய கார்த்திகை மாதத்தில்... வற்றாத ஜீவநதியான தாமிரபரணிக் கரையில் அமைந்துள்ள திருநெல்வேலி அருகன்குளம் அருள்மிகு எட்டெழுத்துப் பெருமாள் திருக்கோயிலில், பரம சாந்த சொரூபியான ஸ்படிக லிங்கத்திற்கு நவம்பர் 17 ஆம் தேதி முதல் ஒரு மாதம் முழுவதும் வேத ருத்ர பாராயணத்துடன் கோடி புண்ணியம் தரும் தொடர் மகா வில்வாபிஷேகம் நடைபெறுகிறது!

ஏன் கார்த்திகை மாத ஸ்படிக லிங்க மகா வில்வாபிஷேகம் கோடி புண்ணியம் தருகிறது?

• தாமிரபரணி மகா தீர்த்தம்: ஜீவநதியான தாமிரபரணியின் புண்ணிய தீர்த்தத்தைக் கொண்டு ஸ்படிக லிங்கத்தை அபிஷேகிப்பது சகல புண்ணிய தீர்த்தங்களிலும் நீராடிய பலனைத் தரும்.

• ஒரு வில்வம்... கோடி புண்ணியம்: 'ஏக பில்வம் சிவார்ப்பணம்' — கார்த்திகை மாதத்தில் சாந்த சொரூபியான ஸ்படிக லிங்கத்திற்கு சமர்ப்பிக்கப்படும் ஒவ்வொரு வில்வ தளமும் பல அசுவமேத யாகங்கள் செய்த பலனையும், கோடி மடங்கு புண்ணியத்தையும் அள்ளித்தரும்.

• ஸ்ரீ ருத்ர பாராயண அதிர்வுகள்: கிருஷ்ண யஜுர்வேத தைத்திரீய சம்ஹிதையின் நமகம், சமகம் முழங்க நடக்கும் பாராயணம், வீட்டைச் சுற்றியுள்ள கொடிய எதிர்மறை சக்திகளையும் கர்ம வினைகளையும் பொசுக்கும் ஆற்றல் கொண்டது.